真係一個好充實的六日一事關宜家傢俬將會送貨, 所以我同老婆都好努力咁去把屋企既野執好佢, 丟得既都丟,片片係宜家傢俬買了六個櫃, 一個床墊, 我地係咁丟野, 係咁執同清潔, 可係番早既關係真係累到不得了, 休息片刻時不小心睡著了, 一睡就睡到第二日十點, 再開始執過今日係BB展最後一日, 我約了Athena既五姑媽, (佢話係姑姐喎
)去會展一齊行同幫手, 我估會好多好多人添, 結果唔係我想像中咁多人, 我地三個乜都排一餐, 又係咁填form入會, 拿咗好多禮物, 好彩bibi提我拿一個手提行李袋咋, 真係好鬼多野, 成個行李袋滿哂, 有奶粉, 紗巾, 育嬰手冊, 環保袋, 糖...etc 好多野, 我仲買了一箱初生bb既奶粉, 係日本雪印, 人地話, 如果生女仔就飲雪印, 因為會雪白d, 所以買了, 八鑵$1160, $145一鑵, 仲平過係雪印counter買, 佢地要$150一鑵, 又去荷花睇bb車同bb床, 唔係想像中咁靚, 結果都係冇買到, 去完bb展, 我地又順手去埋5/f鱷魚鞋展銷展, 嘩!原本成$198對的鱷魚鞋, 果道只雖$50, 我見到d人一大袋一大袋咁買, 一袋起碼有十對....(有冇咁多腳著呢?)我地結果買了一對粉紅色俾Athena, 哈哈熱爆, 所以去了許留山食個甜品, 好味, bibi請的, 多謝bibi之後去了灣仔電腦城買HomePlug, 買了一對TP-LINK 200mb Home Plug, 希望可以改善屋企上網的速度啦, 之後回家小休, 事關約了弗哥同肥倫去睇戲-沖天救兵弗哥買了7:55飛, 我地買埋飲品就入場, 好好睇, 好好笑同好感人, 估唔到黎耀祥個仔咁pro, 佢配小飛真係好掂, 卡叔都好好笑, 我係第一次睇3D電影(唔係迪士尼樂園), 真係唔錯, 好得意, 全程都有d小朋友講野, 不過佢地講d野係我地大人唔會講得出但又覺得好啱既野, 哈哈, 睇完戲, 本來係去打邊爐, 不過天氣實在太熱, 唔係好想打, 我地結果去了大食代食Papper Kitchen, 之後我地散band, 我同片片回家繼續執野, 執到三點, 頂唔住, 啦, 事關我地約了女傭公司聽朝10點interview, 會見兩個印傭, 但其中一個怕狗, 結果冇要佢lu, 我地見了一個叫NurHidaya既印尼女傭, 佢英文幾好, 同都唔幾唔錯, 係廣東話差小小, 結果我地要咗佢lu, 俾埋手續費, 又搞掂一樣bb項目, 回家小休, 再帶花花去美容, 我地坐的士去筲箕灣戰將, 洗剪, 修甲, 擠肛門線要叫佢車埋花花回來之後去了東區尤德覆疹, 醫生話bb一齊正常, 仲好活躍添, 好開心, 我地坐番小巴去筲箕灣食番碗安利牛腩, 好好味, 我地本來想由筲箕灣行番屋企, 不過天氣實在太熱, 我地改為坐地鐵, 之後再去日本城買小小野, 繼續執屋.....真係好累, 不過好開心, 心理上好似同屋企裝修咁, 因為好整齊好乾淨, 遲d刷埋個地同執埋個工人房就大工告成
donnellh 2009-12-21 04:18
凡事三思而行，跑得太快是會滑倒的。
....................................................................................................metaberinger 2009-12-10 19:57
Debby 2009-08-11 21:09