好書推介 (4)

自從奧運 & 殘奧完左之後，就一直都係番工，仲要係番通宵，真係除左工作之外就咩都無呀。不過，我都用少少空檔時間，睇左本好笑 + 寫實 + 輕鬆 + ......(下刪一百字)既好書。就係下面既"我們的低能婚禮"，佢可以叫做第三集，之前都仲有兩本" 我的低能之道 1 & 2"，都一樣係以同一個手法寫既。

呢本書既作者本身係一個 OL，但係因為佢既圖畫同埋故事好受歡迎，所以就戲劇性咁變為自由網主。講番本書，係一開始個自序度寫"已結婚的會回味自己結婚時的甜蜜回憶，準備結婚的會更加投入婚禮，未結婚的會想快些結婚，而本來決定不結婚的也會考慮結婚"，呢段文字已經講左比大家聽作者對於自己婚禮既感受，同埋佢想大家可以分享佢既感受。總括而言，呢本書除左寫實之外，仲幾好笑，又唔會要大家好多時間去睇，真係一本唔錯既休閒小品。