真人真事 － 海南島興隆酒店 (膽小者勿看)

昨晚播出的一集『謎』講關於鬼，鬼神之說真係信不信由你??

畢業後，當了領隊近一年半，帶團時就深深體會到... ...

今次獲公司派團 : 海南島四天團... ...

當收到出團料包後，有個Ｃ兄問我住邊間酒店，佢聽後即面色一沉叫我自己

小心Ｄ，我問佢到底有咩問題，佢都係果句，總之自己小心D啦，佢咁講一

定有Ｄ野，我就走去問另一Ｃ姐，佢又係叫我小心同埋等我出團後再同我講，

頂！佢地令我內心好不安囉，無計，呢團係大團４２人＋１領隊，唯有咩都

唔理帶好團就算。

行程係海口入三亞走，先住海口à興隆à三亞，酒店用房係２１間客房

＋１司陪房(凡無客與領隊同房，公司都會安排呢類房比領隊住，

配套設施極差)第一晚住海口都無任何事情發生，但到了第二晚住興隆就．．．

我入到房感覺唔舒服，一開門見到張麻雀檯放滿麻雀(似剛剛打完)SOFA&

浴室，再打開第二度門就有床＋電視，我問導遊點解有兩度門??佢話酒店

無晒房，只有呢類房安排，所以你瞓住呢間先，我個心突然諗起C兄C姐講

既一番話，算！我打工唔理咁多，放底行李出左去同導遊飲野，飲完野都

差唔多十二點幾，返房沖涼瞓覺，拉開浴廉成大幅人頭畫掛向牆，望住我，

真係好大個人像，同真人無分別，我都無理啦，快快手沖完就瞓，之後從衣

櫃取被出來時，一打開成堆血，仲要係鮮血，我即時摺埋佢掉番入櫃，

亦隨即打電話要求換房，但接待員話無房換，因為春節團隊較多等講左一

大堆廢話，咁唯有照瞓啦，當晚真係感覺到房係有朋友仔存在，無論我點

較，電視機聲量永遠都係咁細聲，搞到間房好靜，我成晚瞓得唔好，時瞓時

醒，到凌晨３點幾電視機突然熄左，我起身開番順便去埋廁所，點知出面及

浴室D燈全部熄晒，我明明無熄過任何燈，唉…瞓吓醒吓到天光，又係全屋

熄晒所有燈，唔理啦，執行李落餐廳，導遊問我瞓得好唔好，我同佢講晒

尋晚所發生既事，佢問我入房時有無敲門同埋講『唔好意思呀．．．黎借

宿一晚』，我話不嬲都唔會做呢D野喎，佢叫我下次記得要講，如果唔係你

成晚都唔使瞓，佢話間酒店之前有個女人向溫泉區浸死過．．．．．．