忙碌的半年

已經半年冇update個blog，2007嘅上半年，忙於搵工，東撲西接，大大話話都見咗30幾份，廿幾年嘅工一次過見哂，好充實。

現在係新公司上班，總算都過咗試用期，回想過來，好似過完大考咁，鬆~~~。

原來我一直都高估自己能力，還以為可以好快適應新工作環境，點知越急就越亂，

仲俾大大上司斥責，灰哂。

好彩大部份同事都好helpful，助我渡過試用期。

轉工呢個過程，其實好奇妙。當你新上工時，人事，工作範圍，標準，統統都要一一學習。此時要把舊一套忘掉，但好自然會作比較，要把自己調教去融合新公司，新同事，新上司。

這樣子我就發現很多問題，由一個新人去取得別人信任我嘅工作能力，呢個過程好似做sales咁，向別人游說，介紹，再hardsell自己，我係呢方面好弱，我唔懂得去好得體咁表達自己喜好，我又怕得失別人所以變得越來越無所謂，無主見。

呢幾年，或者係有意無意之間，我常常選擇收埋自己，少了朋友聚會，覺得同別人溝通好煩。咁就冇咗interpersonal skill。