灣仔好野食~

早兩日同一個同事去左灣仔食飯~間野叫OUTBACK,門面都OK喇~

我坐個位係窗邊....個景就差小小喇.....我始終都係喜歡大自然多D

餐酒係.......唔記得個名喎~個朋友介紹既白酒黎,好香架一倒出黎D花香味好突出,飲落就有好濃郁果味,但係果味入口既時候又唔會太實,比較甜易入口......唔覺唔覺....好似都飲左兩支呀!(冇辦法啦....比我呢個酒徒撞到一支咁香既酒)

再黎就係呢碟頭盤,芝士煙肉薯條喇,熱上既時候好香芝士味

睇到張相個腦再諗下佢既味.....流口水喇!!

一個好正既食相~不過,唔知點解影到隻手好似唔係我咁....影既人有問題!!(好在仲認得隻戒指)

如果喜歡較複雜口味可以試下個醬....味有小小酸,不過我覺得好清新既

人家送既冇記錯好似叫爆谷蝦,不過,坐對面個為食妹,用9秒9時清貨......連影相時候都等唔到~~

主菜燒羊架,聽個為食妹講呢到既牛好好味咁架.....不過,我戒左牛~

羊架盤有燒羊架焗薯同炒飯,仲有兩隻醬,蘑菇同黑椒

個燒羊架真係好好味~

我一時唔記得焗薯有牛油所以......

呢個係Chocolate Thunder ,我就覺得甜左小小(如果個雪糕轉做咖啡味一定好食好多!!)

要求佢比多一個雪糕球,佢又真係比左

最上一層係自家制CREAM,中間係雪糕,最底係朱古力餅

評論係.........去開灣仔就要去試下~如果食牛既就等試完話我聽係咪真係咁好食呀~