行山+走狗

18號放假,有時間帶晒d囡去大欖行山,一人三狗,個袋其實都要放唔小野架.....,不過,我一向都係偷工減料既人,

朱古力+人既水,狗既水~噴壺用黎噴下佢地,

仲有電筒,止痛藥,閃燈(紅色的呀),蚊怕水,雲南白藥,薄荷水,餅乾,小刀,剪刀..

因為行過唔小次,所以,冇帶地圖,指南針等,

沿路都有唔錯風景~~

小白傻傻下差d掉下水

幾個月冇行樹木高左,人行既路窄左唔小

行到呢到左右蒙牛一支箭咁跑左入樹林..........我叫都唔出返黎......我又入到唔去,隱約見佢自己好開心咁係到跑黎跑去........

好在我地仲有一個大家姐係到,平時我有同佢玩一個遊戲,係我同齋啡一直跑,跑到唔見左小白,就叫齋啡搵返佢出黎(因為小白一定追唔到我地兩個),我試下用呢招,我不停咁問齋啡,牛牛呢,牛牛唔見左喎,你知唔知牛牛係邊呀??之類既野問返十幾廿次到,見到齋啡好興奮咁望住我就ok喇!!

跟住齋啡好快咁跑左去~ya!!牛牛就係去左呢個方向

十幾秒之後就出左呢個畫面喇!!

牛牛可能未玩夠,跑過我身邊都唔停!!激死我喇!!

好在都比齋啡追到佢,佢比家姐一路行一路鬧佢惡佢,先肯死死地咁返黎!!

因為怕牛牛再走狗,我拖返狗帶行,所以冇相睇........

返到家中,變晒死狗喇~

死狗1.死得最似,完全冇晒反應既小白!!

死狗2.聽到食食都有小小反應既牛牛!!

死狗3.見我郁就有反應既,齋啡~~!!