擔心

唉~~我有個朋友仔, 成日我都好擔心佢, 點解??

因為呢個朋友仔眼又朦, 耳又聾, 無記性之餘又愛睡...所以, 我ALWAYS好似阿伯O甘哦佢...但係佢又唔聽我講WOR...

前幾日終於出事喇!!!

話說有一晚, 佢打ON-LINE game 打到累就走入房瞓, 仲要關門...慌死冷氣會走晒o甘...但係佢有一樣野忘記o左....就係...煲水!!!

佢個水煲, 水滾時係會有聲既...都幾大聲架...但係...佢睡著了時是聽不到...於是, 被管理員發現o左就call佢細佬啦...o甘佢細佬call佢啦...點知...佢手提電話可能係死位收唔到, 打佢屋企個電話但佢個電話原來係壞o左...其實, 我之前已經同佢講有呢d電話既問題, 有時打拾幾次都搵唔到佢...但係, 佢當我廢up之嘛~~

結果係點???

o米call消防去爆佢屋lor...爆o左閘之後, 好彩d水差不多乾塘啫, 否則, 爆煲都唔知點算...我在想, 當d消防同佢細佬打開佢房門時, 見佢瞓得貢開心, 肯定即刻激死o左!!! 今次真係算佢好彩...

希望佢今次受到教訓, 會改善下...唔洗我成日擔心佢...雖然, 我知道有時都唔擔心得o甘多!!!

P.S. 奉勸各位朋友, 雖然現在流動電話好流行, 但係盡量都要保留屋企既固網電話, 重要係停電都用到個隻wor...萬一有乜事, 屋企人同朋友都搵到你嘛~~