好大雨呀！

之前幫豆豆約左我細妹幫佢二女整頭，但係今日勁大雨，佢湊住細女唔係咁方便，所以佢老公車佢地出黎，豆豆仲黎我屋企車埋我同東東添......真係唔該晒

佢真係好有心呀，特登拎舊懷生比我，真係多謝晒，又買左d玩具比東東玩，東東一番到屋企就要拆出黎玩喇

我地出到去放低佢二女先，然後我地就去泊車，跟住去大家樂食個早餐，商場行下睇下野，豆豆仲去我老公公司換左部電話添，之後我地周圍行，行行下東東話眼訓，見佢訓著左我就放低佢係老公公司訓，接倒細妹個電話，話阿二女個頭整好喇！咁我地行去接埋阿二女就去m記食野，之後我去買埋就番去接東東，豆豆個老公又幫襯我老公買多部電話比佢二女，攪掂晒之後，我地就去車喇，佢地車我同東東番屋企先，然後佢地就番元朗喇！

落左車之後，東東望番轉頭....企左度又唔肯行喎，原來佢唔捨得豆豆姨呀，後尾同佢地揮完手，佢先肯行咋！