自製木糠布甸

      做法非常簡單. 首先預備材料: 淡忌廉200ml, 馬利餅粉或朱古力餅粉, 煉奶二湯匙, 雲呢嗱油三份一茶匙.

製法: 用打蛋器將淡忌廉攪至企身, 然後加入煉奶和雲呢嗱油, 再攪一會. (但要注意若攪拌時間過長, 淡忌廉會有出水現象.) 完成後便可放入杯內. 一層忌廉一層餅粉重複至滿. 然後放入雪櫃雪凍, 即可食用.

嘩! 相當容易……好似!!!!

用攪拌機可迅速將馬利餅磨碎成粉, 若用人手壓碎, 製作頗需時.

雖然正宗做法是以馬利餅粉製作, 但原來朱古力餅粉做的木糠布甸也十分好味.

        這甜品雖然做法真係好簡單, 但要弄得好. 並不想像中那麼易. 主要是控制攪拌時間和速度; 還有味道是否足夠. 我還要多嘗試喲.