識貨!!

前陣子婆婆將她的私伙"燕碎"拿出來, 弄冰糖燉燕窩給晴晴滋潤一下。誰不知這個小鬼一試便從始愛上

每次婆婆會將燉好的燕窩放涼後, 再倒入已洗淨的有蓋玻璃小瓶, 然後放進冰箱, 待外出時可帶上2瓶給晴晴喝。 

前天如常婆婆帶了瓶燕窩給妹妹喝, 當她飲到最後, 眼看瓶內還沾了少許燕碎, 婆婆便用溫水倒入, 讓晴晴再喝回這最後一口。

婆婆說：晴晴, 喂~快d黎飲埋依啖燕窩去!!

晴晴定定地望住婆婆, 再望望她手中那玻璃瓶, 說：唔係燕窩呀 

婆婆答：你睇, 係燕窩碎碎嘛。

晴晴反駁說：唔係呀, 係水水黎架。

唉~婆婆聽後笑到肚都攣啊 

事後我對婆婆說：誰叫你當著她面前整色整水呢, 係人都知你倒水入去, 仲同個孫講係燕窩碎添, 佢梗係唔信啦, 你估佢傻既咩

---------------------------------------------------------------------------------------------------------------

昨晚, 老公試探女兒：妹妹, 你想一陣飲燕窩定益力多呀?

女兒的樣子立刻有點爭扎 哎...到底揀邊樣好呢???? <--平時她一定會答得快而準, 但此時此刻...實在是為難了她

最後她選擇答：燕窩呀~

我們笑她果然識貨喎, 竟然唔揀益力多, 的確是很另類的小朋友。所以難怪女兒令老公倍感自豪

哈哈哈哈...女兒異於別的小朋友, 老公都會冠以[依d咪叫醒囉]來形容女兒的表現, 這都會令我有點擔心, 因為是時候為女兒籌備模擬面試啦, 婆婆帶她的時間多, 所以我要加把勁, 親近女兒多一些, 希望大家有多點默契, 到正式面試時能事半功倍

唉~但我又常會胡思亂想女兒會臨埸來個另類答案,

例如：

老師會問小朋友, 你最愛吃甚麼時, 萬一個囡答：燕窩呀~

A) 吓..燕窩, 依家人唔駛咁富貴卦=.="

B) 搞錯呀, 乜依位家長無教小朋友對答既咩!!

C) 離晒譜啦, OUT得

所以阿女, 你乖乖地, 要[玩另類]都要睇場合架, 知道嘛