派糖任務

續曾特首早前已宣佈不會像過往一樣向香港市民派糖, 但我家的小特首(=妹妹)竟無時無刻都想做好"派糖"依份工。

每日這位小特首總是會心思思地, 偷偷打開抽櫃查看這堆儲備基金, 然後就好想將這盤數(大包餅乾)拿出來點算一下, 但財爺(=即係佢阿ma), 當然會在適當時候向特首喊停啦, 事關現階段都未有市民(=朗朗哥哥)向你作出訴求, 我地係唔應該咁衝動住架

更何妨每次比你咁亂派法, 庫房會好快乾塘 所以財爺係時候要出份財政預算案嘞, 每次祗限派2餅, 否則一開始便過於寬鬆的話, 日后市民會變得貪得無厭, 然後向特首大聲呼喝(叫吠), 張牙舞爪, 覺得好似政府欠咗佢咁架啦

幸得現有特首秘書辦(=婆婆)監控住, 派糖任務總算運作如流, 天下太平    

昨晚財爺外出睇show途中, 突接到秘書辦的來電說特首有要事找我, 當我正擔心禮賓府是否出了甚麼大事, 聽筒便傳來小特首匯報, 她已經向市民派飯了(意思係：餵咗朗朗食狗糧)

噢!! I see, 原來特首改行派米, 但接著我聽到秘書辦搶住答：不過佢係派完米後再派糖呢....

我再一次O晒嘴啦, 已來不及反應, 心想我睇都係要下戒嚴令至得啦