FOLLOW CPH

星期日      13/9/2009

今天下午去了杏花新城 柏豪簽唱會,

真是大頭蝦呀...出左門口無耐先諗起無帶電話同銀包,

又要返轉頭拎添....今朝好大煙霞同超悶熱呀!

去到都接近3點啦.....

嘩.....已經有好大個藍海人潮係到等緊~

PH同主持出黎後開始唱歌同行CAT WALK玩遊戲咁,

好仲意PH今次E對鞋....好型好襯佢今日個LOOK,

一向佢既波鞋都又SHARP又靚,好有佢STYLE~

排左好耐5點先輪到我地上台簽名....

不過都好...一次過滿足晒3個願望.....

HAHA.....簽到新書...簽到合照相...同影埋合照!

不過最令我感到奇怪的就是....?!?

PH第一次主動問我的問題是見唔見FELIX...???

哈....佢未上到台簽喎...但為何要問我野...!我只係見到你咋~

PH外婆今次都係第一位拎簽名的FANS..

同上次CONTINUE一樣...又黎親親錫錫~

排我後面的那位男仔又要拎返我部相機俾佢同PH影...

好搞笑...那時我已下了台又要拎部機俾佢影....PH都望住我~

無耐又有新發現...

就是周爸爸同媽媽都黎左黎支持PH佢....

仲叫我地一定要FOLLOW佢添~HAHA!

FOLLOW YOU~

這張相是差不多到我時影PH的.....

算係最清楚的一張吧~

PH很好呀...俾咩佢都簽晒俾我呀~

但忘記了同他傾計...時間太趕啦...

而且我覺得佢今日都簽左成200幾個人以上!!!!勁辛苦囉佢隻手

不過見大家都咁支持佢FOLLOW佢...

哈......PH應該好開心好滿足的吧!!!

今天我們一班都很快樂同感動呀~

每一次PH的婆婆都親身黎支持佢...

這張相很溫馨感人好窩心好SWEET!

就是因為婆婆小時候為PH擋了滾水...

保護著小PH.....才到現在那麼快樂~

哈.......完完全全感受到他是多麼愛家人的那份感覺!!

完左簽唱會後....

就行左一陣杏花新城附近,

看見這個用毛巾做的旦糕好得意咁....

係假嫁.....絶對唔食得的...上面放左一D提子咁~

之後再同NAT姐去左M記坐下,

佢就飲COFFEE..我就買左好耐無食既新地雪糕筒...好正呀!

搭完MTR...再係CWB等車返屋企,

天氣真是變幻莫測呀....!

由6點幾開始下著大雨大雷同閃電....

返到家都全身濕透....還在晚上掛左1號風球添~

上面這張相係SOGO上面的大BANNER,

就是JY國語大碟那張COVER~

真係好靚....簡單得黎又美麗高貴,

今次影低去先.....好快又換其他POSTER啦!

沒有買JY的碟....但就有一首歌係好喜歡的!

<這就是愛嗎>.....

聽過的朋友你們又仲意這首歌嗎....!!!??

期待927的會慶和104的PERFECT TEN LIVE 09....加油呀!