台北食食之旅 - Day 4

Day 4

黎到最後一日lu~~~

好晏先起身, 趕得切12點前check out, 加寄存行李~

今日係冇行程, so去返西門町再逛逛啦….

先食堂食爭鮮sushi, 原來堂食係均一nt30一碟, 都ok啦~~~

食左12碟, 共nt360, 冇其他附加費, good~~ (冇影相, lazy)

之後去左Cold Stone食雪糕, 之前一路都見好多人排隊, 所以點都要一試, 唔試尤自可, 一試就大跌眼鏡, 唔係咁好食je~兩杯Love it size就 nt320啦~

逛多一陣, 決定去埋阿so介紹既豬肉紙….在迪化街的~~~建議諗住去買既朋友睇睇下面既內容~~

網上資料話先撘捷運到民權西路站再行15 mins, 出到站睇睇捷運既map, 我都唔見附近有迪化街…..我又唔記得帶map…要問information又要先出閘….諗住都係呢個站架啦….

出左閘問info, 佢話唔係呢個站, 應該早一個站就落車, 雙連站, 但係都仲要撘巴士先到迪化街…..咁麻煩架~~~

橫掂有時間, 好, 一於再搵….撘返去雙連, 問左人撘518 bus, 都順利搵到巴士站, 上到車, 巴士都可以用yoyo卡付款的~

上到車, 問埋司機到迪化街就叫我地落車…..

落左車, 原來身處民權西路…不過轉彎就見迪化街….可想而知可能民權西路站都可以行到去迪化街…..

以為好快就到啦….點知我在街頭9X號, 豬肉紙在街尾311號….非常遙遠…..

一路行, 成條街都係辦年貨咁…海味店~~

千辛萬苦, 終於都搵到 “江記華隆”~~~

試食後, 買了3包杏仁味, 1包櫻花蝦味….難得黎到點都買返多少, 同埋佢準備7月1日加價喇, 我趕得切加價前買, haha…..佢仲幫我地pack埋箱~~~

我問店員, 其實附應該行去邊個站撘捷運…店員叫我不如坐的士, 方便好多, 唔駛行咁遠…佢話大約nt100, 可以幫我叫車添~~~拎住成箱野, 我地都唔想行餐死…

其實我一早知佢可以宅配, 不過我想試下先決定買咩味….同買幾多~

下次如果再買, 我都會打電話叫佢宅配到酒店~~~.雖然20包以下要比nt150運費….但係撘車同時間都o係返度啦~~~

最後打的係nt115, 但係司機收我105, 佢話電話call車有優惠喎~~

放低箱野, 我地落返去地下街買埋野, 最後衝刺~~~~仲食個面先走~~

17:30攞返行李出機場喇, 在國光車上, 我訓著左….

Check in先知我班機delay左…..本來20:05, 前一日已經改左20:45, 之後又delay一個鐘……唉……好悶~~~

搞埋退稅, 呢個時候, 發現機場好多粉絲….唔知接/送 邊個機呢?

狂昅d粉絲牌, 見到一堆韓文, 仲有”亨俊”兩隻字….都唔知乜水….

我腦入面淨係記起許俊亨~~~hahaha

入到登機閘, 粉絲勁尖叫, hoho, 明星(幾個)出現同我地一齊過關啦…..

雖然唔知佢地係邊個, 但係都好興奮咁, 有一兩個仲幾靚仔呢~~

沿路見到d粉絲寫住SS501….. oh, 真係out到爆, 聽都未聽過~~~

幾個韓星走來走去, 我地又跟住影下相~

有d C奶都追住去攞簽名~~

追完星, 去埋kitty候機室

再影埋”遇見台灣蝴蝶蘭”…..

Then食多最後一次小籠包, nt5xx~

拉面 x 2

等到22:00先有得上機…..

返到澳門已經23:30~~~~

台北食食之旅完滿結束~~~下次唔去台北, 要去下其他地方至得~~~