大反擊

今日我做左好多好多野...第一件事係我要9:00am起身, 因為要睇"甲蟲王者"啊~  第二件事係要換銀行薄...第三件事先係食早餐, 哈! 搞左咁耐餓死小魔怪...第四件事係要去冒險樂園, 而家用小魔怪張成績表可以免費入會呢~ 第五件事去社區中心交錢, 黎緊星期一小魔怪開始返小幼苗托管喇~ 第六件事係大清潔, 死蠢同小力o既五星級的家, 每次都要用兩個鐘頭去清潔...洗死我喇... 

近排死蠢經常o係個窗口搵小力...媽咪話不如再試下俾佢地一齊喎!

清潔完, 佢地又曬完太陽...就放返佢地入去, 我叫小魔怪睇住小力, 唔好俾佢蝦死蠢...點知...今次係死蠢係咁追住小力, 又嗅又咬咁, 實行有仇報仇... 我就梗係即刻開口鬧佢啦, 佢有聽我話唔搞小力呀, 不過就搞第二樣野呢...

死蠢個殼搞成咁完全唔關小力事, 係佢自己太百厭, 係咁頂個潛濾...搞到傷晒...

就係咁...我又要放返個隔落去...不過今次唔係隔開佢地兩個, 係隔開個潛濾...

第七件事...亦都係今日最後一件事...就係....藍莓芝士餅喇~~~~ 媽咪又要食啊~ (又話減肥...)

聽日約左亞哥, 佢又係叫我整個芝士餅俾佢...我冇整呀...佢成日都話佢個fd整d野好食嘛, 又話呢個fd會煲湯煲涼茶俾佢飲(不過唔係佢女朋友喎!)...咁叻咪叫佢整囉! 哼! 我好小氣架!!!