元朗一日遊

5月12日，哩日放假，我同D朋友一早起身就入左元朗，因為我地打算去掘蜆。

10點去到元朗，食完麥當勞早餐之後，我地就去買泥"爬"(掘蜆之用)，然後就搭大概半個鐘車程既小巴去目的地(我唔記得左係邊度)，行左大概15分鐘左右啦，沿途見到好多昆蟲，有d荒廢既屋，有d貓同埋有d狗(狗係有人養，係圍欄入面，唔會走出黎)。

行下睇下，終於到左目的地了，不過發現.......比人lock左.....唉..............

最後我地一行11人都失望而回，咁我地就等小巴搭車返去市中心，去左食蝦子麵，不過我覺得麻麻地，之後再去食"勝利牛丸"，再之後去左"B仔"食涼粉甜品。

食完之後，我地就出發去買野食，因為我地夜晚係朋友屋企BBQ，佢係住元朗D村屋。

( D相係我用手機影既，所以麻麻地 )

感覺好似去左郊外咁，哩度好靜，空氣好清新。

佢地差唔多每一戶人都會養隻狗用黎看門口，我朋友都一樣養左隻狗，至於品種我就唔知啦。佢隻狗係女仔黎ga，好嗲人同埋好痴人ga，就算第一次見都一樣，因為我地一入屋佢就吠兩聲，然後係車底走出黎。唔知點解，佢隻狗好中意哩埋係車底，好好笑。

我地就覺得佢地吠聲似歡迎我地多D啦。

玩完一輪之後，我地就準備BBQ D野食，洗野呀，包錫紙咁。

我地由7點燒到11:50PM，玩得好開心。