從何選擇花的種類? ~~ 花球系列 2

心血來潮想講下有關花球的事, 謝謝真係有準新娘睇, 好開心可以同您們分享呀, 今次講下花球的花的選擇~

(1) 選擇當造的花種; 如果新娘子沒有特別喜好或唔喜好的花種的話, 建議選用時節當造的花種, 因為靚花球其一最緊要是花要新鮮, 選當造的花就最容易買到新鮮又靚的花啦! 而且多選擇得來價錢都相對平啲ga！

(2) 選擇自己喜歡的花或顏色; 妳的大日子當然由妳話事啦haha...所以最好的方法就係依自己喜歡的花和顏色為準! 有人可能又會問: 是否要等定下禮服才選擇相襯的鮮花呢? 其實林兒覺得都未必需要, 因為大部分人選禮服婚紗都會是黑白或奶白, 珍珠色等容易配襯的顏色, 所以不必太擔心, 反而需要留意的是款式, 我會下次分享的;

(3) 選擇好名聲的鮮花; 這項包括了解一下哪些花可以耐用些, 還有中外人士都有在婚禮中不受歡迎的花品種, 比如中國人不喜菊花而有些外國人則不用馬蹄蘭, 有需要的新人要留意啦!

(4) 留意鮮花有無花味; 喜好之餘也要留意鮮花有無本身的味道, 因為有些花或植物的味道可能會引起敏感, 不想在結婚當日出現不愉快場面就要問清楚啦!

(5) 鮮花 vs 絲花; 這是很多朋友都會問的問題, 林兒覺得各有所長, 個人認為鮮花是最靚最自然的選擇, 但keep的時間有限, 不過一般也可以keep大半日或冬天會長啲tim, 而絲花可以留念而且較輕容易處理, 不像鮮花需要小心輕放, 方間一般絲花較鮮花價錢低, 不過質素高低不同, 林兒較少做絲花球, 一來覺得鮮花靚啲, 二係想整靚啲的絲花球其實價錢同鮮花差不多, 除非新娘堅持或有需要留念才建議用絲花球;

最後, 無論怎樣都同您選擇的花球師有良好的溝通, 詢問多啲, 而且將重點記下或請朋友一同留意是不錯的選擇!  

祝各位新人快樂!