實習事件回憶錄 – 兒科

 在兒科門診實習己是4年前的事。在那兒有位老中醫有非常多病人來求診。因為有太多病人，即使那位老中醫已到退休之齡，但醫院仍要老中醫繼續睇症。

在老中醫的枱上放滿了病人一本本的病歷，而診室也很 open。病人可以隨時進出，甚至掀下一本本排好的病歷，看看幾時到自己。老中醫則專心睇病，翻閱病歷，執筆處方，好似書展簽名會一樣。

病人看病前先要掛號取籌。一般而言，那位老中醫在一節可以看三十五病人，也就是有三十五張，分別是一至三十五號的籌。若老中醫的籌已派完，病人又想睇的話，就只好去問那位老中醫可否「加籌」。

病人: 阿醫師呀，我好遠來專誠黎睇你架，你加個籌俾我喇~

老中醫: 其實你睇其他醫師都一樣啫~!

病人: 唔同架，人地介紹一定話要來睇你!

老中醫: 要等好耐架喎~!

病人: 得得得，我地等得架~!

老中醫有時見盛情難郤，亦只好加籌。但老中醫亦曾向我提及，其實她本身亦不想加籌給病人，希望 「俾D 機會俾後生」。她也說得對，因為整個兒科門診的病人都是擠在她和另外一位老中醫的診室裡，其餘幾位「唔老」的中醫可以用 「拍烏蠅」來形容。

有時病人在要求加籌時會用錯方法。

病人: 阿醫師呀，我個仔病得好嚴重呀，又發燒，你加個籌俾我喇~

老中醫: 吓? 病得咁嚴重? 咁你要快d掛隔離阿邊個醫師個號喇，呢度要等好耐架~!

病人: …….(“dull” 唔返﹐唯有死死氣離開)

最討厭的莫過於那些前恭後倨的病人。在醫師答允加籌前好話說盡，加籌後又等得不耐煩。

病人: mud 咁耐架 (抱怨中) ~

老中醫耳聰目明，好似吳宇森 《赤壁》中的周瑜一樣，對聲音特別敏感。老中醫拿起那位病人的病歷，指著釘在病歷上的加號籌，笑瞇瞇的對著病人說 “你呢個係加號籌黎架~! 你嫌等得耐可以去睇第二個架~!”

病人: (即時陪笑) 唔係唔係~ 等~我等。

我在一旁暗笑。這種情況差不多每天都發生。