點先可以活得開心?

頭先睇完劉德華的一套<<童夢其緣>>-唔係十分記得個名,突然之間有好多感想. 

我發覺人既生命真係好似好難去預計有幾長，細個果陣有好多夢想 (其實每個細路都會係甘)又會發明星夢啦,又想嫁個有錢人啦.....好多好多.

但係個人大左(可能係老左)之後我日日都諗住點樣去搵錢,點樣先可以令自己生活得好D,而家漸漸發現除左工作之外, 我既朋友就已經少之有少.

以前收工會搵朋友去唱K,行街食飯,而家只想係屋企休息下.就算係收工或者放假係屋企都會打開個電腦睇下公司個E-MAIL有咩新郵件,計劃一下明天要做既事. 好似完全忘記左身邊既所有人,唔需要朋友甘.

今晚好似覺得突然寂寞,雖然我已經習慣一個人既生活,但我好想有個人同我傾下計.只好同電腦傾啦....

或者冇人會睇到我寫呢D野,不過我只想講野姐.我為左我既事業(之前果份)失去左好多朋友.錢我真係好想搵多D.我記得我一個好好既朋友同我講過,錢係一世都搵唔完,一個人幾有錢都好,間屋有幾大,訓既只係一張牀,食既野有幾貴都只可以食飽,叫我睇開D,唔好將個錢看得甘重.

唔想再窮,令我失去理智甘不停工作,一日只訓4個鐘,半年都唔放一日假,放假都唔放心公事要走番公司...

長時間令自己處於精神緊張的狀態,令我身體好差,血壓低,營養不良,頭髮甩到一撻撻,睇醫生都用左唔少錢.搵到方法去減壓....賭! 攪到又係冇錢淨.

辭左工令我身體好番好多,不過我又要再次受到一次次的考驗,我最愛的貓仔要送去我男朋友屋企住,我唔可以盡我既責任去照顧佢地我好唔開心.

有時係度諗,有D女人可以每日<臭>仔,煮飯,同D師奶打下牙<交>開開心心甘幾好,因為佢地冇要求,定係冇條件去要求呢?點解我唔可以好似佢地甘?有人唔洗做野,有老公養(可能錢會少D),但好開心.

點先可以活得開心?