網誌分類：Boy Boy 的對話 |
19-10-2009
終於等倒肥佬醫生放完假番黎喇! 遲左三星期, 亞boy有得去打針喇!
亞boy去到診所, 一反常態, 非常正經, 坐到定一定, 佢知道應該唔方好野喇!
登記好晒, 肥佬醫生走出黎歡迎亞boy, 仲問亞boy路程短左, 係咪方便d呢? (其實係咪應該問主人呢?) 又問亞boy有冇去游水? 開唔開心呀?
肥佬醫生好好人, 睇番亞boy張病歷卡, 問番佢以前睇過的病的最新情況, 問番佢d皮膚點呀? (雖然最近有d粒粒, 不過都費事話佢知喇!) 又問佢條脷粒瘡好番未? 我話keep住拔毛, 情況受到控制..佢話咁就得喇! keep住呢個情況, 多d觀察就ok喎!
磅左重, 亞boy而家有17.7kg, 比上年瘦左1.1kg, 肥佬醫生次次都俾驚喜我...睇左咁多年, 今次先問我亞boy係咩品種, 仲走去查書添, 佢話亞boy個size唔正常, 比正常品種大左好多...佢邊忽唔似曲架呢?
醫生讚亞boy D 牙好干淨, 牙肉出血並唔係牙齦炎, 而係飲得水少, 血濃度高, 所以牙肉會紅同埋出血, 健康一切正常. 睇完之後, 醫生問亞boy (佢對住亞boy講) 係咪第一次黎新診所(我諗亞boy應該唔識聽英文), 跟住佢拖住亞boy去參觀.....怪醫生&怪狗...
搞咁多野都係收番我打針錢,不枉我keep住睇咁多年.
BB 2009-10-22 15:52
個醫生都幾攪笑喎, 帶阿boy參觀新診所
Boy Boy 王國2009-10-24 17:06
妹子 2009-10-20 12:17
個肥佬醫生咁搞笑嘅
Boy Boy好明顯係英曲啦，重駛問嘅。佢係唔係諗住攪gag呀
Boy Boy 王國2009-10-20 18:52
係大舊左d, 都未至於唔係英曲囉...我以為外國d野大d, 個鬼佬醫生應該見過啦!
肥佬醫生又真係幾親切, 都睇左5年喇, 見倒亞boy好似見倒老友咁!