制度疆硬，無得救

話說我帶童軍係0係某機構0既中心入面做，其實對於呢間中心，我一路都極之唔滿意。我唔明白點解有一間中心可以逢星期日同一都可以休息？我亦都唔明白一間中心點解可以放暑假(九月有兩個星期成個中心都唔運作)？

到左而家，我真係覺得忍無可忍。

事緣0係18/7(六)，我一早就約左我0既幼童軍於散會後(6點至9點)考烹飪章。但係，果日天文台話左會夜晚掛8號風球，見天氣情況咁惡劣，我就諗住取消，同佢地約過第二日考。點知班小朋友死都唔肯，堅持要果日考埋，咁我話好啦，如果你地所有家長都話可以的話，我就無問題。

當然，d小朋友梗係不停同屋企人講：「得啦！得啦！我會好小心嫁！」

為左確保我0既小朋友安全，散左會後我梗係極速要佢地去買送考章啦。當日我book左廚房6點，果陣時5點3左右，我諗住快d落廚房準備好，等佢地一返到0黎，就可以即刻去煮啦。

點知，落到樓下counter去借鎖匙，佢話我book左6點，叫我6點先好借，咁好啦，我就遲d先去借。

5點半，中心職員晚飯關門前，我再落去借多次，佢都係唔肯借。我就話，你地counter唔開，我點借？佢就叫我上office借。於是後面有個好人0既阿姐就話佢無鎖門，叫我落去用啦！

點知，個counter職員補多句，下次要早d用就book早d時間。聽完呢句，我回頭「即」左佢一聲，用左d好不屑0既眼神望左佢一眼，繼續去廚房準備我0既野。

果下我真係好嬲，你個廚房又無人用，點解唔可以彈性d，借比我呢？更何況明知果晚係會掛8號？

到我極速用完廚房，落去借鎖匙鎖門時，d counter 職員又問我幾點還房？我話9點幾啦！吹我地還房。

過左兩日，中心send左封email去我副旅長度complain我，話我唔準時用房，以後都要準時先可以借。

今日返去集會，唔到3點都唔借房比我地。我覺得真係勁嬲囉，分明就係玩野。你地暑期活動比少左房我地不特止，而家總要準時借房。又唔見你地暑期班d導師係咁。下次開會0既時候，中心主任0係度我一定會話佢地。既無人情，亦不懂變通，何謂社會服務？每個月只懂問我們有多少人出席集會，然後就後數上社署，全部都係交數，為的也是敷衍，根本也不是為人服務！

這間機構近來已迫走了大澳的一個好社工，究竟社會服務，現在變成了什麼？賺錢而已？還是奉承於政府？

社會服務機構我接觸不少(我曾經都係呢行0既人)，真正用心做事的社工或職員，真的寥寥可數，那些為著交數、不懂變通、不理情況的職員，真的是社會服務界中可恥的一群。