意外收獲

而家主要既進度係同主人好密集式咁打電話去邀請朋友黎出席
過程中都發生好多野！

食檸檬既情況不在話下
但仍有些很感動的及值得記載的

初時，其實真係好怕食檸檬，不過又唔會話真係唔開心
畢竟，別人有選擇權
更可況聽到當朋友好雀躍答應既時候
所有既唔開心都會ok曬！
當中，仲有一d好感動既……

有一個讀ou既同學，係返酒店工
我邀請佢，佢聽完日期之後，就同我講︰
你預我丫，記得預我！
我如果返夜，我會調更
如果返通宵，我最多早d走
但係你一定要預我，我真係好想去
朋友，多謝你！

有另一個讀ou既同學聽到之後
就同我講︰你要唔要車呀？我可以做你司機
我︰你唔係有機會要返工咩？
他︰我可以"鼠"出黎既…
我︰"鼠"成日？邊得嫁？
他︰放心啦！我會攪得掂！
朋友，多謝你！

有一個係ive時代去交流識既朋友
佢聽到我話結婚，就問我要唔要人拍野
我同佢講，我果日book曬人拍，不過，有條片想插d video入去
所以要搵人拍
佢聽到之後，主動咁話幫手拍之餘，仲話可以幫我剪埋片…
很感激佢既幫忙，因為我地真係怕d野做唔切
朋友，多謝你！

一直我都怕身邊冇咩朋友，但原來唔係
只係我成日怕阻到人，怕人唔得閒
而冇主動去搵朋友，同d朋友聯絡
今次，一次過要主動咁去搵好多好耐冇聯絡既朋友
對我黎講，係一種挑戰，
雖然聯絡既過程有d驚
但係，係一種成長既機會
經過呢次，我會更珍惜，更努力去維持大家既關係！
我真係好愛你地每一個~