家賊難防

古惑狼肥豬蕃喺一次偶然嘅機會之下發現咗豆媽衣櫃呢個大內藏寶地點.

衣櫃嘅底層全部都係BB d嘢, 包括被被, 衫衫, 同埋最重要嘅....玩具 !

今次佢嘅獵物就係呢個可愛嘅紅蘿蔔. (圖中嘅紅蘿蔔係已經被蹂躪過後嘅模樣)

所以每次開親衣櫃, 呢個古惑狼都會第一時間出動. 

上面幅相同呢段video都係案件重演, 因為案發時根本無人見到 !

呢個古惑狼趁無人見到佢就以迅雷不及掩耳嘅速度捐咗入衣櫃攞咗個紅蘿蔔出嚟, 豆媽發現嘅時候佢已經喺梳化上面玩緊喇 !

蕃薯: 唔...呢個紅蘿蔔嘅size真係啱晒我呢個短咀玩 !

豆媽喺度影低佢d罪證, 佢仲無賴到夾硬掉個紅蘿蔔喺豆媽腳上, 要豆媽同佢玩呀 !

快d同我掉啦 ! 影乜鬼呀 ?

隻衰眼仲係咁"梢"住個紅蘿蔔.

個衰豬唔知點解而家成日都坐到咁, 都唔知邊個教佢架 !

你睇 ! 兩條豬腿"攝"咗入梳化"喇"度.

Close-up豬蘿pat  

豆媽諗諗吓先醒起原來上次俾佢哋玩具放題嗰時, 肥豬薯已經揀過呢紅蘿蔔出嚟架喇 ! 不過後尾豆媽只係俾佢揀一個, 佢就揀咗狐狸先生, 所以呢個紅蘿蔔就俾豆媽收埋咗.             

估唔到原來佢對紅蘿蔔一直念念不忘 !

蕃薯: 紅蘿蔔係我嘅 !

後尾肥豬俾豆媽捉咗上床床對付.          

反轉佢嚟炸肚腩                       

你睇佢隻衰眼 ! 古惑到無人有呀 !

呢個人呀 ! 已經唔係第一次架喇 ! 成日走去偷嘢, 我哋d玩具已經係擺到喺櫃嘅最入面, 仲要有個大膠袋入住架喇 ! 都係俾佢偷到 ! 而家屋裡面成地都係佢d玩具呀 ! 大大話話都有十個八個呀 ! 真係俾佢激鬼死喇 !