黐餐

10月4日 (星期日)

呢隻細佬自從開始識爬之後就成日喺張床度爬嚟爬去

隻手唔知喺度"R"乜...

一係就用佢隻臭腳喺度猛咁"撩"d玩具

媽媽: 細佬, 呢個唔係用腳玩架 ~

細佬: 唔玩咪"啜"被被囉, 好叻咩 ?

發呆中 ~       

不過隻手繼續喺度唔知"撩"咩...

Yeah ! 終於都有街街去喇 !        

今日我哋去咗探彥南呀 !            

原來我哋已經幾個月無見喇 !

彥南乖咗好多喎, 起碼唔駛成日搵工人姐姐先啦 ! 有進步 !

你睇吓呢個細佬坐到...

掛住搞搞震 ~

唔只我哋兩個, 連細佬仔都有份黐餐架 !

食到成個大爺咁款 ~

我哋食飯嘅時候發生咗件趣事, 就係呢個細佬坐坐吓喺度"中"眼瞓, 仲恰埋咗對眼添呀 ! 佢之前又無扭眼瞓, 淨係掛住玩, 原來已經眼瞓到瞓得著喇 ! 我哋幾個真係比佢笑鬼死呀 !