橄欖三文魚雜菜焗飯

IMM地庫有間海南餐館, 佢地有幾款焗飯, 好似橄欖三文魚焗飯(有時佢落太多芝士過咸, 橄欖豬扒焗飯(豬扒炸到過硬), 黑椒牛扒焗飯(好味), 雞扒焗飯(好味). 同大少耐不耐都會去食. 三文魚焗飯有好多甘筍,青椒絲, 所以我多數都會要呢個, 食時把芝士舀出, 佢地用的芝士好似係parmansen cheese, 焗完一pat pat. 雞扒焗飯都係好好味, 個汁好味,

又因為鍾意食, 所以有次係超市見到有一樽樽的黑橄欖, 2個幾一樽, 忍唔住, 買回家做焗飯. 炒香洋葱粒同橄欖粒, 然後和飯一起炒, 魚煎封外層. 把雜菜絲放在飯面, 把魚件放上, 再把汁淋上(我懶呀, 用意粉醬). 舖上鍚紙, 放入焗爐200度焗15分鐘.