上兩個星期, 魔人同朋友又去試新嘅日本料理. 呢次係尖沙咀廣東道彩星集團大廈六樓嘅禪八日本料理.
禪八日本料理出名食shabu shabu, 可惜魔人唔食牛, 老實講真係有啲蝕底, 食唔到人地最好食嘅野. 不過無所謂啦, 魔人最鍾意食嘅係壽司, 所以一定會點壽司餐. 魔人朋友都就魔人唔食牛, 點左個豚肉鍋, 等魔人都可以試吓嗰道嘅shabu shabu. 第一次去, 梗係要影番張相先啦!
第一樣黎嘅係個鍋, 賣相唔錯喎~~~
跟住豚肉同菜都黎埋, 真係幾好食喎!! $160一個餐, 魔人覺得價錢公道. 魔人地唔客氣啦~~
跟餐仲有一個好似河粉嘅烏冬.
跟住黎嘅係魔人點嘅壽司定食. 唔~~~無乜上價野, 壽司亦唔係整得特別好食, 不過$120一個壽司餐你想點? 魔人覺得以價錢而論算ok啦. 不過就唔會係魔人嘅推介囉.
最後係餐後咖啡, 亦都係一般貨色.
整體黎講其實係唔錯, 人地呢道係食shabu shabu嘅, 佢地個shabu shabu的確係唔錯, 不過好似魔人咁死要食
壽司嘅話, 呢道就唔係一個好嘅選擇. 有興趣烚烚嘅朋友可以一試.
背泛聖光
大佛背
寶蓮寺
