魔人差啲又見到晨光第一線

今日約左polly同老謙出黎飲野, 補祝polly生日, 本來諗住九點半先出去, 十二點幾就番屋企, 點知六點幾出去去到宜家先番到黎.



本來魔人諗住喺屋企食個飯先出去, 點知詩詩打電話黎, 話想搵魔人食晚飯, 咁魔人梗係奉陪啦! 同詩詩去左pizza express食pizza, 幾ok架, 個沙律都唔錯, 詩詩想飲少少酒, 同佢開左一支澳洲04年嘅shiraz cab, 就咁魔人就先打左半支紅酒底. 跟住去左朗豪坊join埋老謙同polly又飲紅酒, 三個人飲左兩支, 飲吓傾吓去到十二點幾, 本來真係完架啦, 點知詩詩同kk分別都搵魔人過去佢地嗰邊玩, 最後魔人去左詩詩同黎明佢地嗰邊. 今次玩得大囉~~~好多人都飲醉左, 詩詩仲醉過上次, 去到一半已經半攤左喺魔人身上, 不過仲俾2b係咁灌, 最後梗死啦!! 四點幾已經訓左喺道嘔, 2b呀明佢地就掉低詩詩俾魔人照顧, 佢地成班去左食野然後番屋企. 詩詩喺bar道攤到人地打烊先行得到, 不過都喺人地門口抖左成半個鐘先上到的士, 送到佢番佢屋企樓下佢都仲嘔多左一次先上到樓, 真係大單!! 其實魔人都飲到好大, 未去佢地呢一場已經飲左支幾紅酒, 真係好惡頂!! 不過要照顧詩詩, 無去啦~~~今次算好彩, 無俾詩詩嘔到魔人一身都係, 不幸中之大幸啦.




上次同詩詩飲到咁大已經係九月嘅事, 想睇番可以按呢道睇吖.