追

"追"--係最好用離形容我生活既字.........

為左可以快D"追"到個首期買樓,每一日都好專注O係股票同窩輪度,有時真係覺得好辛苦,本身已經好多野等住我做,又要睇住個市.....真係心理質數差D都頂唔住.......但係距離目標條路又近左同快左,再辛苦D都唔緊要!!!希望可以如期達到目標就好啦~

6月18日
今日好醒目,一開市就放左隻人壽正股,轉晒去買人壽隻輪,呵呵~即刻WIN番晒番離~!!

6月19日 - 端午節
今日一早又同癲癲嘈交,不過好快又冇事,1點幾就上左去深圳,食完飯行左陣街,就走左去揼骨,終於都等到啦~有人應承左我成年,而家終於都陪到我去揼骨啦~
個骨女話我骨火多,叫我拔下罐,我諗番到HK後會揾PETER幫下手......
揼完都成8點幾9點,食完飯又係指定動作既時間--陪癲癲整手指甲......
辛苦而漫長既過程終於o係11點幾完成,即刻撘的士再轉火車趕番HK......咁就一日假.....

(哩味真係好勁.....我同癲癲都係食左少少就打包番hk)

6月21日
番左2個月多DD,今日呀珍(老闆娘)終於都CONFIRM左我,但好攪笑,佢打番離同其他同事講CONFIRM我,但就冇同我直接講過LAW.......
YEAH!!下個月開始,每個月都多一日假放,終於都可以試下五天工作啦~!!!
請左全公司食T,抵既~出離做野,最緊要係開心同融洽~

6月22日
約左舊同事唱K,哈~偏偏約人哥個又咁ARM有事唔得,諗住可以見下家姐,唉,家姐又咁ARM唔舒服唔離得,世事既野就真係咁Q......."朋友....我當你一世朋友........."
PS:我要保留番一次約好晒人而放PLANE既權利呀!!!!
仲Q既事仲有,就係今次叫左以前舊公司既一間SUPPLIER既兩個同事(ALLY+JASMINE)一齊離唱K,竟然JASMINE原來係我由細識到大,識左成廿年既Friend(LEO)個表姐,仲要係以前住o係我條村既,你話係咪q???唔掛得知,佢一離到我同佢都覺得大家好面善.........

講番買樓,其實都未諗過買邊,只係想有一個舒舒服服既地方可以俾我同癲癲兩個人一齊住,今日睇有線,見到有一個樓盤o係尖沙咀漢口道,係舊樓離既,150M,但裝修得好靚,而家唔係話買哩道,但今日先至諗起尖沙咀都有人住,以前冇諗過,以前諗起尖沙咀都係諗行街既地方,諗落其實住O係哩D旺區好似都幾好,幾方便,都要留意下哩D地方先得~

咁耐先update一次日記,我真係要的起心肝update密d先得...!!