舅 bu?

星期日小桃一家人入左黎, 眨下眼佢都差不多歲半喇! 已經行得好穩陣, 成個拉高左, 感覺冇以前細個咁肥嘟嘟 lu!

而家又識做好多鬼馬野 wor! 每次叫佢做 beautiful eyes 呢~ 佢就會瞇起對眼, 笑騎騎咁架!

果日我地先去全記飲茶, 諗住食完帶小桃去游水, 但係去沙灘又好似好麻煩, 所以後來我地買左個私人泳池, 等小桃係我地花園游水 (或者叫浸水先啱), 玩完又可以係我地屋企沖番個熱水涼, 咁就唔駛去沙灘同人逼啦! 

直徑有成 5 尺, 都係 $100! 真係抵到爛啦! 睇下小桃坐左落去仲有幾多位剩!

葉生仲慌死凍親小桃, 特登煲左兩煲滾水加落去, 所以正確黎講呢個係私人暖水游泳池先真!

睇下葉生同小桃一齊個樣幾 lum!

不過最好笑係小桃係咁叫威少做 "舅 bu" 呀! 因為佢啊媽成日俾威少個月曆俾小桃睇, 一去到威少果頁呢, 就同佢講 "舅父隻 wow wow 呢~ 威威呀!" , 咁小桃仲咁細, 點會明白呀!? 所以佢一見到威少, 咪係咁 "舅 bu" 囉!

葉生聽到佢叫 "舅 bu" 但係又唔係叫自己 wor! 心都碎埋果個樣真係笑到死咁滯啦!

我地都叫佢地夏天要多 d 入黎游水, 抵番 $100 條數麻! 等葉生呢個痴心舅 bu 可以見多 d 小桃啦!