網誌分類：日記 |
圖片
網誌日期：2009-02-27 11:47
除左我成日帶返屋企玩果隻金毛 goofy 之外, 鄰居姨姨仲有兩隻唐狗, 呢兩隻唐狗真係唔講得笑, 任何陌生人行近, 都已經吠都七彩, 如果再行埋 d, 佢兩條友仔真係會咬人架! 所以平時如果有人上姨姨屋企, 都會將佢地放入圍欄或者放入房, 如果唔係發生命案都似, 上次試過有人送汽水黎, 佢兩個即使已經放左入圍欄, 都可以兩個一齊推郁個欄, 再跳高咬人地架! 我叫做成日都上姨姨屋企, 果兩條友仔先叫做俾番兩分薄面我唔咬我, 所以有時我上去, 都未必需要困住佢地, 咁但係又唔可以將佢兩個當成 goofy 一樣看待, 因為佢兩個 d 保衛意識好強, 所以都會好小心對佢地.
早幾日姨姨放假係屋企, 咁我咪走去佢屋企同佢吹下水囉! 姨姨住係我隔離果棟屋二樓, 正當我係樓梯行緊上去之際, 姨姨打開度門諗住俾 goofy 迎接我, 點知係呢兩條友仔出左黎, 仲扭哂屎忽擺哂尾咁款! 我都不以為意, 因為姨姨又大大件企係度, 而且兩年黎都冇咩事發生過, 所以都冇咩特別防備.
點知其中一隻唐狗女係我大脾度 "及" 左一野 wor!
姨姨見到都嚇左一跳! 即時攞爬山棍隔開佢地啦!
當時我又唔係特別痛, 都冇咩特別理佢, 點知後來去厠所先發現, 成大個牙印係隻腳度呀! 仲有一條俾牙拖過嘅痕跡 tim 呀!
<警告> 如果怕肉酸, 奉勸唔好睇!!
..........
..........
..........
..........
..........
我第日都有去睇醫生, 打左技破傷風針同埋攞左 d 消炎藥, 不過就行路都有少少扯住痛 lor!
真係血光之災呀!
之後應該係咪會發達呢??
一直都好想為自己的婚禮設計Wedding Logo, 有日係其他blog見到可以免費設計wedding logo, 唔知我地的logo 會係點樣......
bibikam 2009-03-19 00:52
Maxboy 2009-03-06 15:45
嘩, 好唔野少wor !!!!!
Popcorn 2009-03-04 14:30
哎呀姐姐你要小心D, 好耐先散瘀呢, DADDY都試過比狗咬,瘀好耐呢 ~
希望姐姐快D好番呢 ~
JINGLE BELL2009-03-05 08:55
紫雨 2009-03-04 12:02
喜歡洛威的人 2009-03-02 12:45
估唔到一隻唐狗都可以咬成咁,如果換轉洛威唔知會點呢?當時你著長褲定短褲?
JINGLE BELL2009-03-02 14:18
係牛仔褲呀!!!
佢好彩只係係咁意咬左一下就放口咋! 如果唔係後果真係不堪設想呀!
如果換轉係有洛威咬到人的話, 分分鐘上哂報紙啦!
肥婆奶奶 2009-03-02 00:37
你試過用蘆薈味呀？有新鮮的就用新鮮，要切去綠色的皮，用裏面透明的 jelly 塗那些蚊爛，有止痕作用，無新鮮的就用蘆薈膏！
JINGLE BELL2009-03-02 10:28
Maggie 2009-03-01 23:43
嘩！好勁啊！現在應該還很痛吧。
JINGLE BELL2009-03-02 10:26
其實俾狗咬到果個位又唔係好痛, 可能係因為我另一隻腳 d 蚊爛太痕, 所以完全遮蓋左傷口嘅痛啦!
穎媽 2009-03-01 22:30
JINGLE BELL2009-03-02 10:25
豬牛龍馬大家族 2009-02-27 23:52
嘩....真係好勁呀......
下次記得小心d，真係 "防狗之心不可無"呀....
JINGLE BELL2009-03-02 10:24
Blueblurbird 2009-02-27 14:16
你有無洗傷口？一定要洗呀，牙係好dirty同毒架。
我見你傷口損咗啲，洗吓有著數！
希望你早日好番。如果你要用去疤膏，記得等傷口完全埋晒先開始用，如果唔係會好麻煩。
請保持update，讓我知道你的近況。
威少好嗎？
JINGLE BELL2009-02-27 14:41
keep 住洗個傷口又冇 wor! 不過我日日都有用醫生俾果個消炎膏同姨姨果樽雲南白藥 lor!
好多謝你咁有心! 其實呢個傷口都係碎料, 極其量都係行路有 d 扯住痛同埋瘀左少少啫! 而且又係大脾比較上嘅位置, 都唔係太緊要~
另外有檀野仲堅呀! 因為威少自己咬爛左佢自己係花園果張太陽椅, 佢好鍾意呢張椅架! 所以我早兩晚咪自己漏夜幫佢用索帶修理張椅 lor! 你知呢排有幾潮濕啦! 特別係我屋企! d 霧水勁抽到我連對面間屋都望唔到! 我只係係花園大約 5 分鐘幫佢修理, 我成隻腳就已經俾蚊咬到好似隻梅花鹿咁喇!
我真係完全冇誇張! 果 d 死人蚊爛攪到我痕到要死呀! 我而家左邊大脾就有牙印, 右邊大脾由膝頭哥至屁股有成幾十粒蚊爛呀! (冇錯! 唔知係咪呢一 part 特別香! d 蚊只係咬呢度!!) 我對腳真係多災多難呀!
我呢兩日真係痕到想煎左自己層皮出黎呀!
你有冇 d 止痕方法可以提供? 有朋友教我用寶寶金水沖涼 wor!
咇咇蕉 2009-02-27 14:09
JINGLE BELL2009-02-27 14:27
係呀~ 姨姨果兩隻唐狗真係好堅架!
佢屋企真係打開門都唔怕有賊呀!