匪夷所思之事

今日發生左一件我覺得好匪夷所思既事, 我一定要記低...

經常性地會戴一隻紫水晶介指係我右手既食指, 我好最鐘意果隻介指第一係因為我真係好鐘意呢隻介指, 第二係因為呢隻介指係CARMEN某一年既聖誕節送俾我既聖誕禮物. 基本上每一日都會帶住呢一隻介指.

今日同平日一樣, 我都帶戴住呢隻介指番工, 唔知係咪瘦左呢, 隻介指帶食指都有D鬆, 今日仲差D跌出黎添.

基哥琴日開通宵今日無番工, 我收工攞左D野俾CARMEN, 吹左陣間水跟住就番屯門去百佳買餸, 之後搭輕鐵番屋企.

去到半路突然間覺得隻手唔知點咁, 一望, 原來.... 隻介指唔見左!? 天呀~ 幾時跌架~!? 第一個感覺就係隻介指應該係我攞野既時候跌左, 於是係環保袋同自己個手袋不停咁搵, 最後係無既. 成程輕鐵就不停係自己兩個袋同衫袋不停咁搵隻介指, 唔見左好失落, 我真係好鐘意介指, 無左好傷心...

番到屋企一入門口見到基哥, 跟住就見到... 隻介指係茶几上面~!? 點解會咁架...

我今日得而且確有帶架喎, 仲差D洗水果陣跌, 而且就算我真係無記性唔記得帶都唔係茶几而應該係餐桌, 我平時都係放係餐桌既, 我問基哥隻介指係咪佢放係到, 佢先發覺隻介指係到... 太奇怪啦~

究竟點解隻介指會係果到出現呢,太夠匪夷所思~!!!!!!

ANYWAY, 失而復得好開心, 無論係點, 我都好感恩~