慰勞

基哥成日都要開工，無咩可以做到，唯有係放假既時候煮D好野俾佢食慰勞下佢。

星期六晚已經諗定要煮咩餸俾佢食，星期日就同媽媽去買餸。

煮既包括: 順德鹹魚煎肉餅，潮式涼瓜煮排骨。

鹹魚煎肉餅：買D靚既鯪魚肉加埋半肥瘦豬肉，想要D咬口所以加左D馬蹄，最緊要加半舊梅香馬友鹹魚。拌好D鯪魚肉同埋豬肉之後記得要撻下佢，咁先會好食架，不過就嘈D囉，一路撻隻雀一路叫, 激死呀~ 切碎左D馬蹄同埋鹹魚就加埋落D肉膠到，拌均就要放入雪櫃雪一陣，咁先好食~

涼瓜煮排骨: 去左買D有機涼瓜，我諗下次再煮應該可以用自己種果D涼瓜架啦，再加左D係街市買既秘製鹹菜，除左落排骨粒 因為好想食雞腳，所以破格加左雞腳落去，其實好易煮，而且好好味又好送飯。

見到基哥食得開心，我都開心，我諗因為真係好好食囉~