廉廉馬灣一日遊

搬了入來這麼久, 終於有機會二人一狗去遊馬灣.

走去舊村那邊, 原來全部村屋都已荒廢了, 不過有間天后廟, 有條長長的碼頭, 應該是漁船用的. 你找到我嗎?

廉廉, 出親街就搞到下巴D毛好黑.

累.

田寮新村, 好多狗都住露台, 一有隻在樓下走過就吠. 呢間有兩隻狗添, 一隻咁大一隻咁細~

呢間有一隻, 吠得好大聲.

中午在一家茶餐廳食, 這裡好多食店都可在戶外吃, 歡迎狗狗一齊. 又冇乜車, 所以好舒服. 呢隻哥基, 企足全餐咁滯, 個主人都俾咗唔少嘢佢食... (同埋佢搞到張枱好多口水呀! 如果係市區既茶餐, 實俾人鬧死~)

2點帶了廉廉去剪毛, 7點想去執返佢, 點知仲剪緊...

原本打算之後去睇戲, 但係廉廉又未剪完毛, 於是我哋去食嘢先啦...

輝記(一家在馬灣很出名的海鮮店)對面有一間好似新開的餐廳, 有位喎, 咪入去食. 個肉餅超大碟, 而且食滿$100可有1蚊1斤蝦, D蝦好新鮮好味! 二人吃一斤, 每人吃了15隻.

好啦, 食完之後去接返廉廉, 佢剩返個大頭, 其他毛毛鏟晒了! 好樣衰, 哈哈哈~~~

呢度真係好呀, 周圍都可以放狗~ 平台有些空地晚上仲會有鐵馬圍住, 變為"臨時放狗區", 可以放繩任跑, 晚晚都跑到顛...