柏麗灣半天遊

終於都等到去柏麗灣睇樓的日子, 一直好想去睇吓.

一如幾位朋友所形容, 果度真係好正.

呢個係去荃灣和中環既碼頭. 中環有24小時船或車(通宵車), 都OK. 另外有shuttle 去青衣, 荃灣, 葵芳, 機場, 視乎你公司喺邊, 我哋就都ok. 宜家我放工都要$17 車費啦...

廣場上有好多人放狗

行出去有個沙灘可以放狗

也有人玩的海灘 (下圖較遠處果個, 有好多人)

幸運地, 第一次去柏麗灣, 就找到合適的單位了, 價錢都ok. 非常值得推介這個經紀, 睇樓咁耐以嚟, 他是最sincere 最有準備的, 一張a4紙列好晒單位的資料, 實事求是, 沒有口沬橫飛, 了解我們的需要, 找齊一二三五期單位由二樓至頂樓讓我們看齊東南西北講解好blue blue club green green club chic chic club 凶宅位置一一說明, 圍著柏麗灣走一圈, 只需一個下午便找到我們二人都愛的單位, 成交價還比我們跟他說好的要平幾萬. 兩大皆歡. 所以說, 個人的closing skill 真的好重要!!!

同埋, 柏麗灣真係好過映灣園好多, 柏麗灣新鴻基的用料, 住了7年都仲新過映灣園長實住咗2年果d!!! 耐用好多, 睇間間都keep 得好過映灣園多多聲.

下一步要準備裝修, 家俬. 有冇好的裝修介紹? 不過我哋都只係油油和地板, 簡單嘢.