又愛梁祖堯

第一次感受Subedowa音樂會0既氣氛,

第一次真真正正聽到梁祖堯唱咁多歌,

第一次0係壽臣劇院咁快就企起身支持台上表演者,

好多0既第一次...好奇0既第一次.......



Subedowa音樂會, 今次係第三次舉行,

之前一路都冇睇, 今次心血來潮, 為0左梁祖堯又好, 為0左音樂又好,

決定去現場感受一下呢種非一般0既音樂會,

果然...令我對音樂有另一種0既感覺!

雖然好坦白, 歌曲方面, 好多都未能令我有好大0既共鳴(因為唔識...),

但睇到阿祖、Ah Dee、媚媚(即係邵美君...)0係台上0個種落力,

0個種投入, 即使唔識首歌, 都會不其然被吸引落去!

中間有首"兩個女人", 媚媚同小寶一齊唱, 睇到媚媚唱到流淚,

心入面唔知點解起0左一種酸溜溜0既感覺!

當然有0的位, 會特別投入啦, 好似一開頭"Nobody", "Lady Gaga",

中段"愛的抱抱", 因為呢0的係好多人都識0既歌,

所以好容易集中到我0既注意, 但即使係0的唔熟0既歌,

好似台上三位分別唱林憶蓮0既歌, 我好覺得好正!

阿祖唱憶蓮0個陣0既造型, 令我回想起少少白雪先生灰先生,

的確...真係幾型! 又令我再一次"愛"上0左佢!(笑)

完0左個show, 出0左場出面, 好開心可以同到阿祖影相,

佢問我0地最鍾意邊首歌0個陣, 其實真係唔係因為佢唱,

係因為我真係好鍾意Chicago呢套Musical, 所以的確最喜歡Roxy!

阿祖唱Roxy0個陣, 真係超興奮! 如果買到飛, 5月真係有興趣睇"Live"!

今晚滿足過...開心過...投入過...興奮過.........

仲可以影到咁多相, 就連Jo媽都唔放過!

(其實想同佢影相好耐, 今日有個藉口係佢件衫, 我的確有件一模一樣!)

真係...乜都抵晒! Subedowa.....YEAH!!!