係時候...執拾房間

如無意外, 10月...就會搬去隔離幾楝樓住,

第一次覺得自己獨立, 感覺仲強烈過第一次帶團!

要同佢一齊住, 唔知慣唔慣呢?

0的人成日話"相見好、同住難", 我反而唔怕呢0的,

因為我自問自己0既適應力都幾強,

而且同我住0個位人兄, 成日唔0係香港,

我反而怕悶呢! 不過到時悶就返去娘家...即係阿妹屋企0訓囉!(笑)

呢排要開始諗買咩傢俱、咩電器,

第一次plan自己住0既地方, 梗係緊張0的,

雖然為0左呢件事, 都同肥豬嘈0左幾次,

不過好彩大家都係得把口0既人, 嘈完又開開心心plan過,

所以都冇乜損害大家之間0既感情!

因為預計下個月就要搬,

由今日開始, 要陸續執拾房間0既0野喇!

我間房...又多書, 又多雜物, 我諗...要掉多0的0野先可以搬到過去!

唉...諗起就有0的頭痛, 由邊度開始執好呢???