"八千金"去睇《四千金》

昨晚一行九人去0左西灣河文娛中心(好遠...)...

睇一套好正好正0既舞台劇---《四千金》!

明明九個人, 點解我title打"八千金"?!

因為的確係八個家庭0既千金(即係八條女)加一個公公(即係Eddy?!)!

套劇初頭係因為陳文剛先生有一次0係blog度打公開casting而留意,

我仲記得當時貪過癮去reply佢個blog, 佢仲叫我去試下casting,

我邊度得丫! 睇完套劇, 自己把聲簡直同人0地冇得比!

台上0既演員個個都係唱得之人!

包括我0地比較熟識0既文傑聰都非常之charm!!!

當然整套劇, 我多數留意0既都係林澤群...群仔啦!

唔知點解, 就係鍾意睇佢0係台上0個種charming,

視線總唔能夠0係佢身上移開, 佢一上台就好似有種無型0既魅力!

套劇比我想像中正好多好多!!!

可能我比較喜歡音樂劇, 所以呢套劇正正合我心意!

陳文剛先生填0既詞簡直係正!!!

成套劇有好多笑位, Tony黃龍斌話"奶滋"0個part,

好記得笑到我係咁dum地, Lily就係咁打我大脾, 甚至Josephinne...

都笑得好大聲! 好多笑位都好好好笑, 不過唔0係度逐一講咯!

雖然有笑位, 但都有好幾個感動位, 另如四姊弟講及媽媽時,

我個心又戚一戚, 最後小朋友唱0個首歌, 更加令我有流淚0既衝動!

 睇完套劇, 場外仲有soundtrack賣, 一向都鍾意soundtrack0既我,

當然都唔執輸, 買0左兩隻啦! 一隻係《四千金》, 一隻係《異型金剛》!

返到屋企, 兩隻0係度輪流聽, 正到爆!!!

尤其係《異型金剛》0個隻, 雖然冇睇套劇, 但估唔到, 首首歌都咁正!

而且發現Rex哥哥唱歌都唔差! 哈哈哈....

如果《四千金》re-run, 我一定會去睇多次! 實在太正!!!

多0的呢類型0既舞台劇, 我諗我破產都似!(笑~)