好戲連場

靚媽早幾個星期前俾0左兩張coupon我,

可以去UA免費睇戲, 咁0岩近期有套戲好想睇,

所以就約0左肥豬去屯門UA睇!

收0左工, 搭小巴落屯門, 再等埋振宇收工一齊睇,

一行三人0係仙跡岩食少少0野, 就急急腳趕入場,

咁0岩撞到Pheobe, 所以就拉埋佢一齊去睇!

套戲叫..."翻生侏羅館2"!



套戲開頭講到Ben Stiller飾演0既冇用發明家經過一段時間...

已經有自家品牌, 仲有自己0既公司,

但好似未能滿足心靈所需咁, 所以就返去佢做過守衛0既博物館,

探返0個班夜晚會翻生0既"展品"!

點知個博物館...因為要改革0既關係, 將會送走晒0的展品,

由紐約呢間History of Natural Museum,

送到華盛頓博物館0既地庫永遠收藏!

而0個塊會令佢0地翻生0既金牌, 則唔會隨行, 留0係紐約。

點知0個隻百厭馬騮偷埋塊金牌, 一齊帶埋過華盛頓!

咁就大件事喇! 塊金牌如果去到華盛頓,

將會攪到人0地個博物館立立亂!

最後經過好多好多"戰爭", 好多好多意想不到0既事發生之後,

原本0係紐約0既展品又可以返去原來0既"家鄉"咯!

Ben Stiller先發現原來人生最開心0既...係可以同自己喜歡0既人一齊,

做自己喜歡0既事! 呢樣遠比一切名利來得重要!

其實做人本應如此, 有時金錢上、名利上0既滿足,

可能遠不及情感上0既滿足! 珍惜身邊0既人, 比珍惜荷包0既錢更重要!

套戲真係唔錯, 好多笑位, 雖然係一套老少咸宜0既鬧劇,

但當中不乏一0的做人0既道理, 值得推介!