最後的微笑...

7號晚...一個好豐富0既晚上,

首先同肥豬(而家改0左名叫肥狗..呵呵)、Amy一齊去睇劇,

呢套劇一出廣告, 我已經好想睇,

但因為出0左團, 趕唔切網上預購,

攪到要0係一開售0個朝早, 拿拿林仆返公司同人上網爭位,

位都唔係太後, 但就唔係正中間囉!

好彩前面冇乜人遮0者!

呀, 係...都唔記得講係咩劇0添!

呢套劇叫做"Last Smile, First Tear"!



有我至愛0既阿祖做阿Joe呢個角色,

亦有肥狗好鍾意0既Fiona演出,

睇完套劇, 感覺Fiona演戲, 比我想像中好好多,

不過如果咬字可以用力一0的...更清楚一0的會更好,

而家講0野, 尤其係台詞方面,

成日俾人感覺好似有0的求其咁,

就算去到一0的好激0既位, 都係差唔多語調,

應該仲有好大0既進步空間!

至於阿祖, 佢演戲好就不在話下啦,

但如果同白雪先生灰先生或一期一會比較,

可能角色問題, 少0左一份傲慢感覺,

感覺...有0的怪怪咁!

本來我諗住會有好多位都係喊位,

但最後我只係0係阿Joe攬住離去0既媽媽喊到聲嘶力竭0個陣,

我就忍唔住喊0左出0黎,

但比起上次睇Wyman, 可能心情太靚喇,

所以冇0左0個種心酸酸0既感覺!

但總括0黎講, 都可以用好睇0黎形容!

而今次較charm0既, 唔係Ah Dee, 係張錦程,

佢個長髮look真係正到爆!

如果真係有個咁0既Pizza佬0黎送外賣俾我,

我一定一開門就想打X佢!(大笑中~)

最開心係0係套劇入面睇到阿祖唱歌跳舞,

佢跳舞都真係幾得! 除此之外, 仲有世昌, 估唔到佢跳舞都咁掂!

肥狗0既comment就話...套劇0既結尾好似有0的...交待得太簡單,

如果可以0既話, 再詳細少少, 可能感覺更有頭有尾,

而家硬係爭咁0的咁!

今次睇完套劇, 我冇去等阿祖, 但Amy有!

我去0左同Dor媽食飯, 好爆!

有人一見到我叫我"蕉哥", 我發覺佢而家成日都係咁,

當正我係男仔! HELP! 我係100%女仔0黎0架!

只係..個look同把聲man0的之嘛!(笑~)

唔知做完呢套劇之後, 阿祖0黎緊會有咩新劇呢?(期待中~)