奧運完咯

一連十六日0既奧運0係今晚(24/8)晚上八點正式閉幕!

估唔到時間過得咁鬼快, 好似昨日先0係奧運開幕咁,

話咁快就完咯! 突然...感覺好失落、好唔捨得0添!

話晒呢次奧運係中國人站起來0既好機會,

之前0的鬼佬(sorry, 歧視都係咁話0架喇...)成日睇唔起中國人,

今次終於可以出返啖氣喇!!!

中國最後0係金牌榜0既第一位, 有史以0黎拎金牌最多,

有成51面金牌咁利害, 有好多預料之外0既收獲,

例如自由搏擊、射箭...等等, 中國人真係越0黎越犀利喇!

身為中國人0既我, 好為佢0地而驕傲呢!!!

而當中始終我最鍾意睇0既, 都係乒乓球比賽!

每一屆, 我都係最留意呢種運動0既結果,

雖然自己唔係打乒乓球好叻, 但對於呢種球類0既運動員,

我卻係特別0既鍾情!!!

有之前0既鄧亞萍啦, 而家有王楠, 我都係偏向鍾意女乒乓球員多0的!

不過今年可能被0的朋友仔提一提,

我開始多0的留意男乒乓球員, 發覺王皓都幾型!(笑)

最後結果...中國乒乓球隊真係好利害, 包辦晒四金!!!

當今晚同老爸、靚媽, 仲有GiL妹一齊睇京奧閉幕0個陣,

我見到老爸...有0的激動!

我心入面都突然衝起一股感動, 眼睛都開始紅起0黎!

老爸同我0既中國血...0個一刻突然流遍全身!

我都慶幸我自己係中國人, 呢次奧運實在十分成功!

中國好0野! 中國勁! 中國醒! 中國冇得頂!

中國加油! 未來0既路無論幾咁艱辛,

身為中國一份子0既我, 都會繼續支持中國!

中國人...係時候出人頭地喇!!!!!