喝彩在台灣

我而家身處台中"帝寶大飯店",

呢度有免費上網, 仲要冇乜人等住用0個隻,

所以我就趁呢個時間, 0係度上網睇下老友記0的blog!

雖然已經過0左幾日, 但唔知點解,

心入面仲成日諗住「喝彩」入面0既人物同情節,

好似好難忘記到咁, 所以就係咁上有份睇「喝彩」0既朋友仔0既blog,

又係咁上Az、Gary哥哥、Jam Jam同家良0既blog,

睇下有冇咩update!

Az個blog, 竟然有提到我個名,

因為10/8係佢0既尾場, 之後0既加場都係用Cast B0既人,

所以呢場大家都睇到好感動,

尤其係已經身為Az粉絲0既我, 眼淚都忍唔住係咁流!

睇完場show, 以為一切都完滿結束咯!

點知仲有個小gathering!(真係預料唔到咁開心~)

呢個小gathering, 有家姐整0既蛋糕同鬆餅, 有Dor Dor整0既紅豆糕,

有林艾美專程0係台灣買返0黎0既蛋糕, 同吉利預備0既香檳,

大家都又食又傾...好開心!

當到開香檳0個陣, Az竟然抓晒頭, 話未開過,

其實我都未開過, 次次唱K有人生日, 我都交俾肥豬同阿Sam去開,

我只係負責...睇! 但今次見大家都冇乜郁動,

我又開始職業病發作, 主動走去幫手,

Az就由0個一刻開始, 不停咁講"阿蕉, 你係幫到手0既"

夠喇, 影相又講, 開香檳又講, 同佢give me 5 0個陣又講,

就連個blog都有講!

咁樣我會繼續職業病發作0架!(笑)

仲有, 玩到中途, 有人叫埋Jam Jam0黎食蛋糕,

Jam Jam一入0黎, 就被人拉0左去個lift門度影相,

我見大家影得咁開心, 我又去影囉!

佢又記得我個名喇!(唔通...我呢條蕉...真係臭名遠播?!)

我企佢隔離, 扮到好驚...抓晒頭0個樣!

(其實只係頭髮好亂..順勢做呢0的動作..)

佢竟然扮抓住我個頭, 當家姐話影完, ok0個陣, 佢真係整鬼我0的頭髮!

我都嚇一嚇, 乜佢而家變得咁鬼馬0既?!

初初佢都幾怕羞0架! 唔通...真係阿Paul上身?! 哈哈!

呢晚真係好開心呀! 雖然之後加場, 已經換0左Az同家良,

但我相信應該唔會減弱「喝彩」0既吸引力!

各位「喝彩」演員! 繼續加油啦!

雖然我而家0係台灣, 但我個心仍然係「喝彩中」!!!