網誌分類：蕉...遊記 |
圖片
網誌日期：2008-05-18 00:24
繼續之前0既blog......
講返大家都0係停車場集合,
我因為要幫酒店手, 叫晒0的客人出0黎,
所以自己換唔切褲, 著住條短波褲0係停車場凍冰冰集合!
攪到0的台灣客人係咁指住我!
不過當時唔理得咁多喇, 最重要係大家0既安全!
企0左半個鐘, 終於可以返房!
返到房, 真係好累, 唔理咁多, 0訓0左先算!
第二朝起身, 開個水喉, 咦?! 有熱水喎!
拿拿林沖個涼先! 沖沖下涼, 個頭成頭都係泡泡....
餘震又0黎喇! 好似昨晚0個0的咁, 又0黎震!
今次震到連支肥皂液都跌埋落地下, 我企都企唔穩,
心諗, 而家咁0既樣走出去都係死硬, 乜都冇著....搏一鋪, 死就死啦!
拿拿林沖乾淨著埋衫就衝出間房!
0的客後0黎話我知, 原來佢0地食緊早餐0個陣,
餐廳都震得好勁! 佢0地都好驚! 我心諗...其實當時我沖緊涼仲驚呀!
跟住我0地就去0左九寨溝風景區!
因為當時0個邊仲未有咩危險警告, 所以客人決定照去!
我就冒險帶佢0地入去!
其實一路行都驚0架, 驚再有餘震0個陣, 座山會有石跌落0黎,
感謝主, 最後我0地都安全行晒成個行程!
不過0的景區真係有好多好奇怪0既現象0架!
0的池0的水跌到好低啦, 0的蝌蚪呀...魚呀...雀仔呀...全部走晒出0黎!
感覺...真係好似...大災難就快0黎咁, 好得人驚!
行完個九寨溝, 如常地返酒店休息, 其實一路都有餘震,
但可以已經習慣0左, 所以我同客人都開始唔係好驚!
好記得呢晚仲有客人生日0添! 同佢慶祝0個陣, 我個心真係...百感交集呀!
第二朝早上起身, 本來去機場浩浩蕩蕩諗住快0的返成都,
點知...delay再delay, 最後cancel埋, 卒之要去airline安排0個間賓館休息!
0個間....差到無可再差0既所謂賓館, 冇電...冇水,
0個餐lunch好似小學生去camp0個餐咁, 又唔乾淨又難食,
我0的客都冇乜點食, 我就更加啦!
最後我咩都冇食過, 只係飲0左支可樂!
跟住EGL0個個領隊去買水, 我就順便買0的俾我0的客人!
食完個lunch, 又返去0個間賓館休息!
到0左2點9左右, land公司打0黎, 話airline幫我0地轉晒0的機票,
但我一0的都收唔到消息, 仲話班機會開3點7,
跟住我同EGL個領隊Joyce就好緊張, 拿拿林搵車趕去機場,
點知去到機場, airline話check唔到我0地0既資料,
仲話班機都cancel0左, 今日內唔會有成都機飛走,
0個一刻好灰好灰, 機場有個經理仲要鬧我, 話我自把自為,
攪到0的客而家想返轉頭都冇地方住, 我差0的想同佢打交,
後0黎佢見我咁燥先收晒聲! 激死我~~~~~
最後又拉大隊返轉頭, 不過airline最後安排我0地住另一間賓館,
呢間起碼房間有key, 有少少電...同少少水囉!
到0左夜晚, 賓館負責人話每間房只可以開一盞燈,
點知0的大陸人又唔聽話, 攪到間賓館成日跳線,
0的燈停下開下, 間房又凍, 根本我成晚都冇0訓!
因為我同Joyce一間房, 朝早Joyce起身已經叫我快0的起,
因為有客話airline已經派0左專車接我0地出機場,
我連con都冇帶, 帶住副粗框鏡就衝出房,
叫0的客快0的執埋0野出機場!
-->待續
