網誌分類：蕉...有感覺 |
雖然煩惱好似逐一開始離開我,
但唔知點解...當我以為自己心情會好返0的0個陣,
好似....又感到有0的失落!
好似...仲有心結...仲未解得開!
其實0係呢段時候, 我真係好想搵三五知已...陪我癲返幾晚,
等我0係娛樂當中發洩我胸口0既鬱悶!
可惜, 0的老友仔...唔係出0左團, 就唔想玩到咁夜,
一係就...佢0地返到香港得閒0個陣, 我又要出團!
好似永遠都夾唔0岩timing咁!
我好想搵個朋友仔坐底聽我呻, 最好係異性朋友仔,
因為女仔意見我聽得太多, 我想聽下男仔究竟點睇,
不過唉...呢個香港社會, 如果單獨同異性約會,
被人撞破0左, 又會講閒話, 又會被人搬是非,
就算冇0野清清白白都被人講到有緋聞!
好似連同個男仔傾下計都要偷偷摸摸咁!
有時真係寧願自己冇拍拖, 壓力冇咁大, 起碼同任何人傾計...
都唔會有0個種輿論壓力, 而且朋友仔約自己去街,
唔會下下提住自己男朋友, 好似去玩一定要孖公仔咁,
坦白講....我自己一個唔得0既咩?!
可能我都係一個幾自我0既人, 被人管住, 又或者唔係叫管,
係被人限制住我去玩0既權利, 我感覺好唔舒服,
可能我真係唔係咁適合拍拖, 有時真係覺得有0的辛苦!
攪到男朋友覺得我唔上心、若跡若離咁, 大家都唔開心!
心情...又0黎喇...又0黎低落喇!
朋友仔拍拖唔開心會搵我傾, 咁我唔開心又搵邊個傾呀?!(哭)
老爸日記 2008-03-25 13:54
妳唔開心當然係可以搵我傾啦．．．．．絕無問題啊．．．．我地絕對唔會俾人傳緋聞啊．．．．
小蕉2008-03-25 18:54
Chelsea 2008-03-24 23:52
其實每樣嘢都有佢好與唔好嘅一面﹔有拖拍有佢嘅好處唔好處，冇拖拍亦都一樣。
若果問心無愧，若果真係覺得同一個男性朋友傾會好D，講真，我唔係好介意人哋點睇﹙邊可能please晒所有人呀﹖﹚，最緊要自己覺得舒服遮，係咪﹖
小蕉2008-03-25 18:53
好多謝你關心呀!(感動~)
你講得0岩! 如果問心無愧, 其實又唔係咩唔見得光0既事,
倒不如大大方方, 起碼自己覺得舒服先!
(睇完你0既留言...坦白講, 真係好0左好多!!!)