預定+驚喜十足的晚餐

周五晚順利由上海工幹回來, 拖著疲乏的身驅繼續周六晚的攝影課.

終於到了期待已久的周日, 因為是日約了公子好友bennie san 到寒舍晚膳, 並由妾身親自下廚招待.  之前約定這一聚會時已花了不少時間, 到最後定了日子, 卻又難以配合榛子小姐的schedule, 唯有忍痛地計劃下一次再跟她一起共聚.

由於計劃弄海鮮大餐, 所以和公子在接近黃昏之時才出發往街市買食材, 這樣就可確保食物新鮮, 而且在接近街市收檔時幫襯, 所買的東西大多又平又大件.  最後, 亦不負所望, 買齊了我們一早想好的食物. 

回家後, 準備晚膳之際, 門鈴響起, bennie san 準時抵達, 他甫到埗, 竟說碰到我們皆相識的一位朋友, 真的摸不著頭腦, 會是誰呢? 我們大家都認識而又在附近碰上? 太神奇了吧! 最後, 嘩~~~~ 竟然是剛下機回來的榛子小姐! 這兩位朋友真夠鬼馬!

因為這 '驚喜', 令我們生怕準備的食物份量不夠, 公子於是馬上到樓下斬料加餸, 生怕會餓著兩位貴賓!

是日晚餐: 鮮魚, 扇貝, 紅綠椒炒墨魚, 東風螺, 燒鵝, 蝦醬炒通菜作平衡以及冇上鏡o既杧果布甸

粉絲扇貝

清蒸唔知火點定紅油...總之就好好味舅父o既自家製花生油應記一功

烚東風螺, 再點海鮮醬, yum yum good!

紅綠椒炒墨魚

蝦醬炒通菜

最後, 大家大魚大螺大酒的吃吃談談笑笑, 時間亦一分一秒過去. 眨眼間已接近十二時了, 由於第二天大伙都要上班, 唯有再度忍痛說再見, 希望下次能再盡興一點吧~

妾身一個人食左24隻, 公子食o既數量閒閒地應該多過我兩三倍! (哩幅咁令o既圖案, 係專登送俾好掛住螺絲o既hazel 小姐)

戰鬥力驚人o既朋友表現出驚人o既戰鬥力!