金鐘香格里拉酒店既 dinner buffet

上星期日晚，軒帶我去金鐘香格里拉酒店食buffet，果度環境好靚，服務一流，又有好多唔同國家既食物，有日式, 西式, 中式, 泰式, 馬來西亞, 印度, 意大利等等, 分開唔同area，總之實有d啱你咁囉，款式同味道雖然冇乜特別，但勝在材料新鮮，刺生同海鮮都好鮮甜，但生蠔好細隻(好彩我唔食)，沙律方面鮮露筍同芝士(有blue cheese)都非常好，不過最happy都係我最愛既甜品，佢o係正中間有好多選擇，真係超級好味，尤其係個朱古力蛋糕，朱古力味好香濃，入口即溶，好味到想大嗌呀!! 果然係5星級酒店呀吓……

食食吓突然有幾個廚師敲響d廚房用具，原來係表演廚房show喎(聽講佢地好出名，周圍巡迴表演)，佢地將d廚房用具都變成樂器，而且動作表情生鬼抵死，刀法如神，強烈既音樂節奏令好多食客都好high，仲齊齊出黎影相拍DV添(可惜我得手機丫)。

最後埋單兩位承惠$875，嘩……軒你對我真係好…….