BB展+生日派對

上星期六(4/8)有bb展, 劉媽想話去行吓, 所以就一家三口"浩浩蕩蕩"咁由上水出發去灣仔走一轉. 記得上年晴晴豬未出世時都有去行過, 真係好多人, 有d真係好瘋狂咁大量入貨, 有d就貪小便宜攞住coupon係咁換禮品... 至於劉爸劉媽就屬於後者喇, 哈哈! 其實今年都無咩想買, 去都只係當一種家庭活動, 滿足吓劉媽咁啦.

今年同樣都咁多人, 單單買飛都排咗一粒鐘, 劉媽就趁排隊呢段時間同晴晴豬換片食奶, 等晴晴豬入場後可以安靜d, 而晴晴豬亦都好乖, 入場後無耐就瞓咗. 雖然係人多, 但就無上年咁擠迫, 起碼可以行埋去d counter度睇吓嘢. 劉媽就"咩"住晴晴豬滿場飛, 而劉爸就充當助手, 附責攞住一袋二袋嘅"戰利品". 而整個"搜索"行動大約用咗兩粒鐘, 之後就返屋企同晴晴豬洗白白同扮靚靚去參加曵人嘅生日派對.

當晚三歲大嘅曵人聯同都係三歲大嘅Leo BB响將軍澳廣場嘅會所舉行生日派對, 場內氣氛都好熱鬧, 好多小朋友走來走去, 又有麥當奴姐姐同d小朋友玩遊戲, 又有抽獎, 當然唔小得切蛋糕環節啦. 雖然晴晴豬仲未識得同其他小朋友玩, 但當晚晴晴豬都表現得好雀躍, 有其他小朋友主動走埋嚟同晴晴豬打招呼, 有對孖囡仲錫咗晴晴豬面仔一啖tim, 而曵人個媽咪sunnie姨姨見晴晴豬抽唔到禮物, 私人"醒"咗一份俾晴晴豬. 當食完蛋糕之後, d小朋友仲可以去其他活動室繼續玩, 咁又幾好喎, d小朋友有得玩又有得食, 等晴晴豬生日都去二叔個屋苑嘅會所度攪攪佢先, 到時又要麻煩你喇二叔, 哈哈!

 bb展後, 晴晴豬坐火車返屋企.

生日派對情況