2008下水禮

上個星期五約咗強叔叔, 高佬叔叔同志偉叔叔一家同晴晴豬去沙灘玩, 呢次係晴晴豬第一次去沙灘, 原本以為晴晴豬去到沙灘會四處走, 點知晴晴豬隻腳仔一踩到沙就驚到唔敢郁, 跟住仲喊住要人抱tim, 之後要安撫一輪先肯落地, 但都唔肯坐低, 最後只好俾個盤仔佢當凳仔坐先肯坐低玩. 到晴晴豬適應咗個環境之後, 劉爸劉媽就帶晴晴豬去海邊玩吓水影吓相, 但當時太陽都仲係幾猛, 避免晴晴豬變晴晴燒豬, 所以都只係玩咗一陣就返去樹蔭底避吓. 之後就食吓餅飲吓水咁, 但晴晴豬只係坐定定唔郁始終都唔夠膽四圍行, 唔知下次再去沙灘時晴晴豬會唔會大謄d四處走呢?

上午去咗公園玩~~

下午到咗清水灣~~

之後星期六再同晴晴豬去劉媽同事祥哥屋企會所個泳池玩, 當日除咗有祥哥一家之外, 當然唔少得kathy姐姐, jerry舅父仔同晧泓哥哥啦, 另外仲有angela姐姐同karen姐姐tim. 今次晴晴豬去到泳池就非常活躍, 不停在泳池中四處走, 就算趺落水都唔驚, 玩得不知幾開心tim.

仲有片睇呀~~