迪士尼

晴晴豬其中一份生日禮物就係敏儀姐姐送既迪士尼免費入場券, 因此劉爸便約埋強叔叔一家及高佬叔叔一家於星期一(17/12)去迪士尼玩一轉. 出發當日一早劉爸就煲好粥仔俾晴晴豬做晚餐, 而劉媽就幫晴晴豬悉心打扮, 準備到迪士尼影多d靚靚相... 當日一去到迪士尼, 正正係花車巡遊時間, 於是係美國小鎮大街搵個好位睇巡遊兼同晴晴豬影靚相喇. 之後再排隊同Goofy及Pluto影合照, 咁樣玩一玩都經已個多小時, 之後去左明日世界同晴晴豬一齊玩巴斯光年星際歷險. 玩既時候, 劉媽就負責照顧晴晴豬, 晴晴豬就負責控制個joy stick, 而劉爸就負責打怪獸...哈哈!  玩完之後, 就去左睇米奇金獎音樂劇, 點知睇到中段晴晴豬扭肚餓, 連平時既秘密武器餅餅同飽飽都攪佢唔掂, 劉爸劉媽只好中途離場去餵粥仔俾晴晴豬醫肚. 食飽之後再去玩小熊維尼歷險之旅, 誰不知晴晴豬表現得有d驚, 成個歷險之旅都要搵劉媽攬住. 最後當然睇埋煙花啦, 點知煙花一開始, 晴晴豬就扭眼瞓, 劉爸就抱晴晴豬去較靜既環境等晴晴豬有覺好瞓, 而劉媽就繼續留守個好位置欣賞煙花. 煙花完左之後, 整日既行程都完結.

大家攬實大家, 幾friend.

晴晴豬笑得幾開心.

劉氏一家及強叔叔一家.

高飛, 唔好咬晴晴豬隻手呀~~