八個月大嘅生活日誌

真係弊加伙啦, 家吓同晴晴豬出街, 十個有十個都話晴晴豬係男仔, 就算著晒粉紅色衫仔甚至裙仔, d人都會問係咪男仔呀? 真係激死.
而近呢個月晴晴豬開始認人喇, 好多時只肯跟劉媽同表姨婆, 劉爸就被打入冷宮啦, 試過連餵奶都唔肯俾劉爸餵, 真係無計. 劉媽見晴晴豬咁跟佢就開心啦, 劉爸就只有無奈囉.
除咗認人之外, 晴晴豬亦都學識好多嘢, 學識用手指按制令到玩具發聲啦, 又會張玩具放入個桶度再拎番出嚟, 又識得沿住梳化邊慢慢爬起身扶住企响度, 仲有多咗好多細微動作同古怪面部表情tim... 雖然話每日都會見住晴晴豬, 但都會俾佢急速嘅變化帶嚟好多好多驚喜.

睇吓晴晴豬點玩玩具...

---

玩具

呢個就係傳說中嘅子健叔叔喇, 亦係劉爸相識廿多年嘅老朋友.

當日fred叔叔話送個玩具俾晴晴豬, 家吓有相為證, 無得走啦, 哈哈!

晴晴豬皺晒眉都唔明ellen姨姨因咩要舉高人哋隻腳仔影相.

話說晴晴豬坐火車時, 不停望住隔離位個姐姐, 久唔久又裝吓人哋, 又同人哋笑, 扺得佢吖.