網誌分類：未分類 |
「turbo」.......我一出世就已經有,佢生長係我背脊到,當年護士幫我開左個「turbo」既時候,我雙眼就好似渣古咁,由黑色變做紅色,成個世界都慢左落黎,因為我快左(開左turbo).....
係香港出世,生活係香港既每一個人,一出世既時候就同我一樣,都有個turbo係身上面,好似我地去大家樂食個tea,由佢收到你俾佢個張單開始計,到你已經可以成個盤拎去你個位,真係1分鐘搞掂.....我試過係法國食一個傳統既法國餐,有頭盤,主盤,甜品,每一道菜之間都有一杯酒俾你品嚐,最重要既係,係每一道菜既時候都要等齊全部人食完先會起第二道菜,最終我就由六點幾食到十一點幾先食完成餐飯.....由此可見,香港人既工作速度係全世界黎講都真係數一數二.....
我諗呢D唔係叫turbo....大家唔好以為我係呢個位會搞gag,例如護舒寶呀,默書簿個D....我都唔知應該叫咩bo....大家可以諗諗....俾D意見我....
係黎緊呢幾廿年入邊,我個turbo都唔知仲可以開多幾耐....你知啦...人到中年,真係唔可以開咁多次turbo......大家唔好又以為我又會搞gag,會唔會搭多幾次去澳門個D turbo jet就會可以多番D quota....係將來,希望我可以唔使再開咁多turbo,可以focus番多D係存摺簿或者支票簿到....
Tina Gao 2009-11-03 21:06
Andy 2009-10-19 02:03
小威 2009-10-19 00:51
哇~chris出呢個問題真係好難答，
我好認真咁諗左2日都諗唔到究竟應該叫咩bo…Orz
另外我0係度諗，如果一餐dinner要食5個幾鐘…
咁仲邊有時間做其他野？？
其實對於hk人而言，真係幾不可思議！