探病

昨晚因為要上堂所以冇去醫院睇媽媽 , 一個星期總有呢一日去唔到醫院 , 而媽媽亦要忍受冇人幫她梳頭髮 , 好在抹身都有爸爸可幫忙。

下午打電話比媽媽 , 佢講e生睇過傷口亦已愈合 , 跟住醫生叫包番好傷口 , 點之護士長行埋黎話 : 唔好包喇 , 我都未睇到個傷口怎樣 , 而且已埋口了可以照沖涼都冇問題 , 不過....媽媽還未落得床呢~~哈哈

知道左唔洗再包住個傷口後 , 今晚一放工我就即刻去醫院 , 除了幫媽媽梳番好d頭髮外(每晚呢個時候就係最靚女喇) , 今晚有d特別 , 我叫媽媽比我睇下個傷口 , 當我親眼見到時 , 第一個反應...咁大條蜈蚣灘左係度~~~hehe , 不過見到都會覺得痛呀。而且今天仲去左照 x-ray , 應該聽日醫生巡房時會講d咩呱~~~